cine politicu y social

Siddiq Barmak mos apurre una pelicula qu'amuesa con tola dureza la vida de les muyeres baxo'l réxime relixosu de los talibanes n'Afganistan.( si estos ultrarelixosos entrenaos y financiaos polos USA pa lluchar escontra'l comunismu) Pues baxo la sida de salvar les almes de los Afganos los talibanes empusieron unes normes munchu dures y ,por supuestu, les muyeres son les pior paraes. Y esta ye la hestoria dOsama, ya que una muyer y la so fia pierden el so derechu al trabayu y inclusive a salir de casa ya que la so familia nun cunta con homes que-yos protexa.  Entós a la má y la güela la neña se-yos ocurre facela pasar por home y poder asina ganase la vida. Anque cola llercia de que si ye descubierta va ser xuzgada duramente la neña acepta pa poder salvar a la so familia. Asina la neña ponse a trabayar nuna tienda anque poco depués ye reclutada polos talibanes y llevada a la so escuela fundamentalista. Ehí los otros neños sabiendo del so secretu ponen-y el nome d'Osama. La verdá que naide meyor que daquién que sofrio'l réxime taliban y tuvo que fuxir d'esti pais pa cuntar esta hestoria basada nunes cartes d'ún mayestru afganu sobre una neña que queria dir al colexu pero nun-y dexaben namai que por ser eso, una neña.

La hestoria d'esta pelicula tá mas fuera de la pantalla que dientru. Dideriot plumio La religiouse en 1760 basandose'n fechos reales pero l'autor sabia que se xugaba la vida asoleyando esa novela asina que la guardo.A la fin fue espublizada en 1796, dolce años depués de la muerte l'autor. En 1965 finose cola grabación de la pelicula de Jacques Rivette y entamo una campaña de la derecha francesa pidiendo a la policia que se torgara la so edición por mieu al dañu que faeria a la comunidá relixosa y el prefectu, el ministru d'información amenazaron al productor con prohibila dafechu. El productor defendiose pues el guion fue aprebau pol comite de censura al tercer intentu ,y encara, la pelicula fue prohibida'n 1976 pola secretaria d'estau anque llegalizada l'añu siguiente pol ministru. Ente'l esitu la pelicula la ilesia defendiose diciendo que la pelicula nun tenia argumentu hestoricu al igual que la novela pero 2 llibros conservaos na Biblioteca Nacional de Pais (Hestoria de la Abadía Real de Longchamp, 1905 y Notes secretes sobre l'abadía de Longchamp,1768) espeyen una rialidá mui estremada de lo que se cree que ye un conventu con prostitución, palices, asesinatos... tanto que'l propiu papa Gregorio XIII pidio cuentes sobre esti conventu. Asina que la novela de Dideriot y la pelicula (con 2 censures) prauticamente son "bones" cola relixon catolica. De toes formes una bona pelicula y que paga la pena ver lo que fue la vida nos conventos pa munches muyeres.

Los neños de san Vicente

Pelicula basada'n fechos, The boys of st. Vicent ,cunta la hestoria de los abusos sexuales a los neños internaos nos horfanatos de San vicente en Canada. Una pelicula de les que llamen de serial ya que se fizo pa una tv canadiense polo que ye poco conociada pero lo que nun-y quita calidá gracies a la gran interpretación de los neños ya que sofres con ellos les palices y los abusos.Los neños fartos d'esta situación denuncien a la policia los maltratos pero'l combalache ente policia-ilesia-estau torga toa posibilidá de xusticia. Esta pelicula llogro que les aseguradores canadienses nun cubran a los horfanatos canadienses pol altu riesgu de violación que se da n'ellos. Una gran pelicula que vos encamento ver pa que'l silenciu que se da alredor de les violaciones na ilesia sían conocíes y denunciaes.

Los neños de san Vicente. 15 años depués.

Segunda parte d'esti serial tamien dirixída por Jhon N. Smith(mentes peligroses) foi realizada al añu siguiente de la orixinal(1993) pa tentar de siguir l'esitu que tuviere la primera. Nesti casu dalgunos neños que sofrieren les vexaciones por parte los cures, ya adultos, deciden volver a denunciar les violaciones y palices. Tamien descubren como ún de los piores cures que -yos toco vivir tá casau y con 2 fios y con señal dala de remordimientu. El renembrar aquella domina fae que dellos de los "neños" nun tean pola llabor de dir a xuiciu y revivir eses esperiencies. Esta peli solo puedo cuntavos lo que llei d'ella ya que nun la vi.Namai que llogre un par de sitios onde se vende pero ensin torna o sotitulos asina que si daquien sabe d'ella que me lo diga. Gracies

Pa que naide diga que namai que falo mal del cristianismu (evidentemente ye'l que mas conozo les sos mentires ) esta vegada quiero falavos de Water una pelicula india d'hai 3 años. La relixón hindú ye una gran desconocida pero ente otres coses diz que cuando una muyer se casa ye la metá del maríu, esto ye, si el muerre tienes 3 opciones: o te cases col so hermanu menor, o ardes pa con el na foguera o ser encerrada nuna especie de conventu (ashram) y pasar la vida llorando al difuntu. Y la pelicula trata d'esto, una neña d'8 años ye casada con un morimundu que muerre al dia siguiente asina que la neña ye pelada y encerrada nel ashram pa viudes pa tola vida. Esto ye qu'una moza viuda y prostituta (a la que se-y permite calterer la so melena pa poder ganar dineru pa les otres viudes) conoz a un xoven revolucionariu siguidor de Ghandi y que nun tá dimpuesto  qu'una tradición machista s'entrometa nuna probatible rellación. Un exemplu mas de como les relixones traten a la muyer, siendo parte del home, menor que'l home o propiedá del home.Dixeron d'ella que ye un alegatu escontra la humildación y l'ausencia de dignidá y moral de la muyer india y tamien que ye un film escontra'l fanatismu, la inxusticia y la intolerancia. Como nota decir que'l informe sobre les viudes na India del 2001 diz que 35 MILLONES de viudes viven en situación d'esclusión social, 11 de les cuales viven nos ashram

The Magdalene Sisters ye'l resultau cinematograficu d'un documental que trata'l tema de les condiciones de vida dientru de los conventos de la Madalena y que impresionare al director. El documental nomase: Sex in a Cold Climate
A lo llargu del sieglu XX les moces irlandeses que tenien perdío la gracia de dios yeren recluyíes en conventos dirixíos poles hermanes de la misericordia anque'n nome de la ilesia catolica.La gracia de dios perdiase de munches maneres: tener un fiu fuera'l matrimoniu, ser fia d'una madre desconocida, ser forciada o cenciellamente ser tan guapa que se provocaba a los homes mas debiles. Y elli llavaben los sos pecaos, como supuestamente llabava los sos pecaos la prostituta Madalena na biblia, 10 hores al dia los 7 dies a la selmana con tortures, mala alimentación y despersonalización (camudaben los nomes)... Esta ye una pelicula de ficcion pero basada en fechos riales, que cunta la hestoria de 4 ente les 30.000 moces que sofrieron esta tortura y de como estes 4 moces lluchen por nun ser destruyíes nel ambiente sectariu qu'emponíen les monxes. Durisima critica a la ilesia catolica y a la sociedá irlandesa que lo permitia y que'n boca d'una moza superviviente:"naide custionaba la ilesia, la ilesia nun custinaba nada" . Dirixida por Peter Mullan(actor principal de "El mio nome ye Joe") ,anque podria ser amañosamente del mesmu Ken Loach, diz d'ella que trata d'espeyar na pelicula a toles victimes:«les moces, les sos families, la sociedá, y inclusive les monxes, víctimes d'un fanatismu ciegu, d'una represión interior aberrante».
Munches d'estes muyeres siguin esperando que la ilesia catolica pida perdón y inclusive que se -yos pague pol trabayu que rializaron.L'ultimu conventu zarrose'n 1996 cuando munchos de nós ya nacimos pa que veais que nun ye una hestoria d'hai munchu tiempu.

N'Amén tratase sobre'l poder de la ilesia , Promeses trata de la manipolación por parte de les relixones , y  Just a kiss presenta la problematica nes rellaciones personales cuando se mete la relixón. Quiciaves sía una pelicula simplona pa lo que ye vezu en Ken Loach pero ye un bon exemplu de la intransixencia que trae pa con elli la relixón, arriendes, prestame la definición que ficieren d'ella: "pelicula combativa antroxada de telenovela". La hestoria bien cenciella: mozu conoz moza, a moza gusta-y mozu.... pero'l mozu anque escoces ye d'orixe musulman y la moza ye profesora nun institutu catolicu y equi ye onde surde'l problema: los pás d'elli tienen concertau un matrimoniu pal mozu y consideren un insultu que se case con una moza catolica recién divorciada y ella alcuentrase con un clima contrariu a la so rellación con un musulman representau nun cura intolerante. Esto ye lo que Ken Loach noma "l'otru terrorismu" lo que obliga a los humanos a vivir separtaos en supuestes comunidaes relixoses qu'emborrinen la nuesa vista y nun mos permiten ver mas alla. Nun ye la meyor pelicula del mundu pero ye recomendable pa la nuesa xeneración que tenmos nes nueses manes la oportunidá de romper con tabues y con supuestes tradiciones familiares( si casase pela ilesia tien una tradicon de 2000 años ¿cuantos tien andar en porricu? ¿100000? ¿que ye tradición?) 

Nestes vueltes que toi dando pel mundu relixosu nun quiero escaecer la problematica Xudiu-Palestína . Con Promises Carlos Bolado, Justine Shapiro y B.Z. Goldberg cunten la hestoria de 7 neños palestinos y israelinos: 2 mellizos a los que-yos presta los deportes, un xudíu ultraortodoxo qu'estudia'l torá 12 hores al dia, un estremista de dereches que resume'l conflictu cola frase " dios dio-y la tierra a Abrahm pero los arabes aportaron y arramplaron con ella" , una neña refuxada que vive con arabes modernos o un neño defensor de h.amas y qu'estudia'l corán. Esta pelicula documental nun vién mas qu'amuesar que los humanos nun sabemos de races nin relixones, que los neños tenten d'entender al vecín envede enfrentase baxo la llexitimidá que-yos da supuestos dioses, que busquen salíes al conflictu hasta que son corrumpíos por toranes, coranes y biblies. Nun tema tan complicau como ye'l del territoriu palestín los radicales del islam y del xudaismu atoparon un bon terrenu pa plantar les sos semientes d'odiu (nun hai mas que ver que los palestinos defendíen un estau llaicu y agora h.amas vence nes elleiciones). Como dixo carlos bolado: "los neños son lo que pueden ser.Son la promesa."  Una pelicula munchu recomendable pa los que-yos presta mecer el nacionalismu cola relixón (suerte que nel nacionalismu asturianu hai poco d'eso) como a los nuesos amigos del nacionalismu español.

Costa-Gavras (alabado sía) abre esti pequeñu ciclu del blog dedicau a la relixón. Amén cunta la hestoria de 2 homes, Kurt Gerstein y riccardo, el primeru miembru de les SS nazis, basau nuna hestoria rial (anque los hestoriadores nun se ponen d'alcuerdu sobre si foi o non tan bono) y que se xugo la vida denunciando los crimenes del nazismu ente la ilesia, los aliaos y los propios alemanes. El segundu, un personaxe de ficcion qu'arrepresenta a los cristianos de base, a los xesuites que s'enfrentaron a la barbarie nazi pagando cola vida en munches ocasiones y nun acetaron el silenciu empuestu pola madre ilesia y pol so cabezaleru Pio XII que nun duldo n'averase a l'Alemaña nazi pa tentar d'aparar el progresu del comunismu y la so llaicidá. Quiciaves sía una pelicula "floxa" no teunicu ya que Costa-Gavras fizola ensin cuntar cola financiación necesaria pero ye una pelicula perimportante(ensin ser una pelicula hestorica) pa atalantar lo que representa n'europa la ilesia catolica nuna de les sos peores domines que sofrio la humanidá. Pa finar comentaivos que'l cartelu de la pelicula foi denunciau por catolicos conservadores siempre cola sida de la "llibertá de creencia" pero la denuncia fue rechazada porque'l xuez considero que denunciar la robla ente ilesia y nazismu yera reconocíu pola llibertá d'espresión.

Pa cualaquiera que me conoz sabe que la la ilesia nun ye santu de la mio del mio fervor, cualaquiera que falo conmigo 1 vegada sabe que'l prisoe pa min ye un partíu derechon y ranciu asina que naide creya que lo defendo, cualaquiera que me conoz sabe que como nun me siento español y  quien gobierne'n Madrí ye problema de los madrilanos asina que-yos voten ellos, cualaquiera que me vea sabe que la unica manera de llevantame esi dia pa votar ye si algamo una papeleta de dalgún partiu illegal.  Pero eso de que la ilesia se meta'n campaña paezme cuanto menos vergoñosu, eso de que los islamistes se metan tamien tantu de lo mesmu y hai un refran asturianu perfechu pa definir esta situación:

Aleluya diz el cura por comer de la peruya, y el molacín diz amén  por comer d’ella tamién

Asina que tres estes pelicules de tematica irlandesa voi tratar la tema de la relixón, autentica maquina de matar de la hestoria, dende los sacrificios de los precolombinos, la santa inquisición, la llei islamica, la cristianización de les ameriques o les lluches ente musulmanes y hindues que a la fin nun son mas que lluches pol poder y pol control de la xente.

Nuna sociedá avanzada nos derechos individuales les relixones nun tienen sitiu, qu'ataquen l'usu de celules madre por dir "contra natura" pero caltener vivu a una momia polaca enchufau a milenta maquines nun ye "contra natura", denuncien l'usu del condon pero tienen aiciones de les empreses que los faen, afalen l'abstinencia pero defenden a los sos cures "amigos de los neños" , denuncien a gobiernos democraticos como'l de Venezuela pero callaron la boca nel facismu español, italianu, nel nazismu aleman, nes dictadures chilenes, arxentines...... y esto falando del cristianismu que ye'l que conozo de primer mano.

The boxer, que yel so nome orixínal y col que s'asoleyo esta pelicula nel estau, ye la fin de la triloxía cola tematica de la llucha del IRA escontra la ocupaera britanica. Ye ensin duldalo la mas politicamente correuta, de xuru, pola so financiacion ya que Sheridan tuvo que recurrir a los EE.XX. pa llograr les perres. Mientres les otres 2 pelicules tan basaes en fechos reales lo de The boxer nun tá tan nidio, mas bien paez que cueye pingarates de la vida real y d'un boxeador que tuvo na carcele por pertenecer al IRA meciendola con una hestoria d'amor pa llograr esa llarima facil que tanto-yos gusta a los yankees. No tocante al tema la pelicula cunta la hestoria d'ún ex-presu del IRA qu'arenuncia siguir cola llucha tres la so salida de la carcele y entama a trabayar en cabildrar los 2 sectores enfrentaos de Belfast con un ximnasiu nel que protestantes y catolicos prautiquen xuntos el boxeu.

Lo meyor: la critica'l odiu descomanáu, nun se pué odiar a otru cola sida de la relixon (apunta HUMBERTO GONZALEZ) o del llugar de ñacencia

lo pior:la falta d'analís de lo que llevo a esa situación a los irlandeses baxo mandatu britanicu.

Lo dicho, pamidea, la pior de la triloxía.